தமிழகத்தில் புகழ்பெற்ற கல்லூரிகளில் லயோலா கல்லூரியும் ஒன்றாகும். அனிமேஷன் மற்றும் மீடியா கல்வியில் கடந்த 20 ஆண்டுகளாக புகழ்பெற்றது, சாஃப்ட்வியு நிறுவனம் ஆகும். இவ்விரண்டு நிறுவனங்களும் சேர்ந்து கூட்டாக மிகப்பெரிய மாபெரும் அனிமேஷன் பயிற்சி மையத்தை லயோலா கல்லூரியில் துவக்கியுள்ளன. லயோலா கல்லூரியின் விசுவல் கம்யூனிகேஷன் துறையில் ஒரு பிரிவாக அனிமேஷன் பயிற்சியை இந்நிர்வாகம் துவக்கியுள்ளது. உயரிய தொழில்நுட்பக் கணினி மற்றும் அதிநவீன மென்பொருட்களுடன் அனிமேஷன் பயிற்சி மிகப்பெரிய அளவில் இயங்கத் துவங்கியுளது. டிப்ளமோ படிப்புகளாக அறிமுகம் செய்யப்பட்டுள்ள இந்த அனிமேஷன் பயிற்சியை பிற கல்லூரிகளில் படிக்கும் மாணவர்களும் படிக்கலாம். இப்பயிற்சிக்கு வயது, பால் வரம்பு கிடையாது.துவக்க விழா டிசம்பர் 14-ம் தேதி (செவ்வாய்க்கிழமை) சென்னை நுங்கம்பாக்கத்தில் உள்ள லயோலா கல்லூரியில் நடைபெற்றது. இந்த லயோலா கல்லூரியின் அனிமேஷன் பயிற்சி மையத்தை தமிழக அரசின் தகவல் தொழில்நுட்பத்துறை அமைச்சர் டாக்டர் பூங்கோதை அவர்கள் துவக்கி வைத்தார்கள். மற்றும் இந்நிகழ்ச்சியில் இயக்குனர் எஸ்.பி. முத்துராமன், தஞ்சை பல்கலைக்கழக மேனாள் துணை வேந்தர் டாக்டர் அவ்வை நடராஜன்,கல்லூரி முதல்வர் ஜெபராஜ் அடிகளார், கல்லூரி செயலர் ஜோஅருண் அடிகளார்,மா. ஆண்டோ பீட்டர், ராஜநாயகம் அடிகளார் ஆகியோர் இவ்விழாவில் கலந்து கொண்டு சிறப்பித்தனர்.
Search This Blog
Wednesday, December 15, 2010
லயோலா கல்லூரியில் அனிமேஷன் துறை திறப்பு
தமிழகத்தில் புகழ்பெற்ற கல்லூரிகளில் லயோலா கல்லூரியும் ஒன்றாகும். அனிமேஷன் மற்றும் மீடியா கல்வியில் கடந்த 20 ஆண்டுகளாக புகழ்பெற்றது, சாஃப்ட்வியு நிறுவனம் ஆகும். இவ்விரண்டு நிறுவனங்களும் சேர்ந்து கூட்டாக மிகப்பெரிய மாபெரும் அனிமேஷன் பயிற்சி மையத்தை லயோலா கல்லூரியில் துவக்கியுள்ளன. லயோலா கல்லூரியின் விசுவல் கம்யூனிகேஷன் துறையில் ஒரு பிரிவாக அனிமேஷன் பயிற்சியை இந்நிர்வாகம் துவக்கியுள்ளது. உயரிய தொழில்நுட்பக் கணினி மற்றும் அதிநவீன மென்பொருட்களுடன் அனிமேஷன் பயிற்சி மிகப்பெரிய அளவில் இயங்கத் துவங்கியுளது. டிப்ளமோ படிப்புகளாக அறிமுகம் செய்யப்பட்டுள்ள இந்த அனிமேஷன் பயிற்சியை பிற கல்லூரிகளில் படிக்கும் மாணவர்களும் படிக்கலாம். இப்பயிற்சிக்கு வயது, பால் வரம்பு கிடையாது.துவக்க விழா டிசம்பர் 14-ம் தேதி (செவ்வாய்க்கிழமை) சென்னை நுங்கம்பாக்கத்தில் உள்ள லயோலா கல்லூரியில் நடைபெற்றது. இந்த லயோலா கல்லூரியின் அனிமேஷன் பயிற்சி மையத்தை தமிழக அரசின் தகவல் தொழில்நுட்பத்துறை அமைச்சர் டாக்டர் பூங்கோதை அவர்கள் துவக்கி வைத்தார்கள். மற்றும் இந்நிகழ்ச்சியில் இயக்குனர் எஸ்.பி. முத்துராமன், தஞ்சை பல்கலைக்கழக மேனாள் துணை வேந்தர் டாக்டர் அவ்வை நடராஜன்,கல்லூரி முதல்வர் ஜெபராஜ் அடிகளார், கல்லூரி செயலர் ஜோஅருண் அடிகளார்,மா. ஆண்டோ பீட்டர், ராஜநாயகம் அடிகளார் ஆகியோர் இவ்விழாவில் கலந்து கொண்டு சிறப்பித்தனர்.
Monday, December 6, 2010
தமிழ் காப்போம்
மற்றும் பல பிரபல தமிழ் அறிஞர்கள் நிகழ்ச்சியில் கலந்து கொண்டனர். முதல் அமர்விற்கு நான் தலைவராக பொறுப்பேற்று பேசினேன். இந்த கிரந்த திணிப்பை நம் தமிழக அரசு தடுத்து நிறுத்தும் என எடுத்துக் கூறினேன். நிகழ்ச்சியை ஏற்பாடு செய்த திருவள்ளுவன் இலக்குவனார் நல்ல சுகத்துடன் நூறு வயது காண வாழ்த்துகள்! நம் தமிழுக்கு திருவள்ளுவனைப் போல ஒவ்வொரு தமிழக அஞ்சல் எண்ணுக்கும் ஒருவர் தேவை!
Thursday, November 25, 2010
புதுமைப்பித்தன் சிடி வெளியீட்டு விழா
சென்னை மைலாப்பூரிலுள்ள தேஜா பவனில் புதுமைப்பித்தன் கவிதைகள் மற்றும் கல்வி சிடிக்கள் வெளியீட்டு விழா வியாழக்கிழமை காலை (25.11.2010) அன்று நடைபெற்றது. சிடிக்களை தமிழக அரசின் தகவல் தொழில்நுட்பவியல் துறை முதன்மை அரசுச் செயலர் டபிள்யு.சி.டேவிதார் ஐ.ஏ.எஸ், அவர்கள் வெளியிட தமிழ்நாடு இயல்இசை நாடக மன்றச் செயலர் கவிஞர் இளையபாரதி அவர்கள் பெற்றுக்கொண்டார்கள். மேலும் விழாவில் கணித்தமிழ்ச் சங்கத் தலைவர் மா. ஆண்டோபீட்டர், தமிழக அரசின் மொழிபெயர்ப்புத்துறை இயக்குநர் டாக்டர் அருள் மற்றும் அண்ணா பல்கலைக்கழக ஊடகவியல்துறை துறைத் தலைவர் சுந்தரவேஸ்ரன் அவர்களும் கலந்து கொண்டார்கள்.
Friday, November 19, 2010
E-கலப்பை 3.0 – புதிய வெர்ஷன் அறிமுகம்
தமிழா’ நிறுவனம் தமது புதிய தயாரிப்பான எ-கலப்பை 3.0 ‘தமிழ் எழுதி’ செயலியின் இறுதிப்பதிப்பை இன்று வெளியிட்டிருக்கின்றது.
இதனைக்கணினியில் ஏற்றுவதும் அதனைப்பயன்படுத்துவதும் மிகவும் சுலபமானது.
இதுவரை கணினியில் ‘யுனிகோட்’ தமிழை உள்ளீடு செய்ய வேறு செயலிகளை பயன்படுத்திவந்தவர்கள் இதனைப்பயன்படுத்திப்பார்க்கலாம்.
இந்த செயலி பழைய ‘எ-கலைப்பை 1.0′ போன்று மூன்றாம் தரப்பு செயலியான ‘கீமேனை’ப்பயன்படுத்தவில்லை. இது முற்றிலும் ஒரு ‘திறந்தமூலநிரலி’ யின் துணையுடன் உருவாக்கப்பட்டிருப்பது ஒரு சிறப்பான அம்சம்.
Download: http://thamizha.com/project/ekalappai
தமிழ்கம்ப்யூட்டர்
யுனிகோட் தரும் பயன்கள்
http://www.softview.in/antopeter/unicode.pdf
கருத்துக்களை கூறுக.
Monday, November 8, 2010
அமுதசுரபி தீபாவளி மலர்
தமிழ் மணக்கும் இணையங்கள்
http://www.softview.in/antopeter/amudhasurabhi_pdf.pdf
கருத்துக்களை கூறுக.
Monday, October 18, 2010
உள்ளத்தில் உயர்ந்த உள்ளம்
கணிப்பொறி பயிற்சியில் சிஎஸ்சி கப்யூட்டர் எஜுகேஷன் நிறுவனம் தன்னுடைய 25 ஆண்டு விழாவை கொண்டாடுகிறது. இந்த 25 ஆண்டு விழாவில் புதுக் குடித்தனமாக புது இளமையுடன் பிரம்மாண்ட அலுவலகத்தை வளம் கொழிக்கும் திநகரில் கட்டியுள்ளது. சிஎஸ்சியுடன் நிர்வாக இயக்குநராக தென் தமிழ்நாட்டை சார்ந்த அய்யம் பெருமாள் அவர்கள் உடலாலும் உள்ளத்தாலும் சிறப்புற பணியாற்றி வருகிறார். தன்னுடைய பிரம்மாண்ட கணினி அலுவலகத்தை 1986ல் சிஎஸ்சியின் முதல் கிளையான, வண்ணாரப்பேட்டையில் படித்த பழைய மாணவர் சந்தோஷை வைத்து திறந்து வைக்கிறார். பிரபல அறிஞரோ, அமைச்சரோ திறந்து வைக்க வேண்டிய கணினி வளாகத்தை மாணவனை திறந்து வைத்து மனம் மகிழ்ந்து உள்ளதென சிஎஸ்சி நிர்வாகத்தை சொல்லலாம்.
Tuesday, October 5, 2010
பிறந்த நாளில் தமிழ் வலைப்பூ
Sunday, October 3, 2010
தேசிய மொழிகள் மாநாடு
தமிழ் மொழி அகாதெமியின் 13வது தேசிய மொழிகள் மாநாடு 3-10-2010 (ஞாயிறு) அன்று வேலூர் தொழிற்நுட்ப நிறுவனத்தில் நடைபெற்றது. நீதியரசர் ஜெகதீசன், வழக்கறிஞர் காந்தி, லேணா தமிழ்வாணன், சாரதாநம்பிஆரூரான், ஜி.விஸ்வநாதன், எஸ்.பி.முத்துராமன், முனைவர்.ராஜேந்திரன்(மாவட்ட ஆட்சியர்), மணிமேகலைகண்ணன் மற்றும் பல தமிழ் அறிஞர்கள் கலந்து கொண்டனர். 95% அறிஞர்களுக்கு பேருந்து பயணம் சென்னையிலிருந்து ஏற்பாடு செய்யப்படிருந்தது. நான் “இணையத்தில் தமிழ்” என்ற தலைப்பில், பேச்சாளராக முதல் அமர்வில் கலந்து கொண்டேன். மிக மகிழ்ச்சியான ஞாயிறாக இருந்தது.
Sunday, September 19, 2010
கையடக்கத்தில் கணினித்தமிழ் வழங்கும் தமிழ்ப் பேரகராதி
செல்லினம் ஒரு செயலி மட்டும் அல்ல. கணினித் தமிழ் வளர்க்கும் ஒரு தொழில்நுட்பமும் கூட. இந்தத் தொழில்நுட்பத்தில் அமைக்கப்பட்ட மேலும் ஒரு தமிழ்ச் செயலி உங்கள் ஐ-போனை அலங்கரிக்க வந்துள்ளது.
முழுமையான லிப்கோ தமிழ்ப் பேரகராதியில் உள்ள தமிழ்ச் சொற்களை இந்த நவீனக் கருவியில் நீங்கள் தமிழிலேயே தேடலாம். இந்தச் செயலியின் உதவிப்பக்கத்தில் வழங்கப்பட்டுள சில விளக்கங்களை இணைப்பில் உள்ள படம் காண்பிக்கின்றது.
மேலும் இது தமிழ்-தமிழ்-ஆங்கில அகராதி என்பதால், ஆங்கிலச் சொற்களுக்கு நிகரானத் தமிழ்ச் சொற்களைத் தேடுவது கடினம். என்றாலும், ஆங்கிலச் சொற்களைத் தேடும் போது, அந்தச் சொற்கள் தோன்றும் விளக்கங்களைக் கொண்ட தமிழ்ச் சொற்கள் பட்டியலிலப்படும்.
இந்தச் செயலி இன்று ஆப்பிள் நிறுவனத்தின் ‘செயலிக்கூடத்தில்’ (App Store) பதிப்பிக்கப்பட்டுள்ளது. செல்லினத்தைப் போன்று இது இலவசப் பதிவிறக்கம் அன்று. சிறிய கட்டணம் உண்டு. US$4.99 மட்டுமே!
அரிய தொழில்நுட்பங்களை தொடர்ந்து நாங்கள் வழங்கிவருவதற்கு இந்தச் சிறிய தொகை உழைப்பிற்கான ஊதியத்தையும் உற்சாகத்தையும் வழங்கும் என்பது எங்கள் நம்பிக்கை.
மேலும் படங்களையும் விவரங்களையும் இந்த முகவரியில் காணலாம்
http://itunes.apple.com/app/lifco-sellinam-tamil-dictionary/id391740615?mt=8
கையடக்கத்தில் கணினித்தமிழ் வழங்கும் தமிழ்ப் பேரகராதி
முழுமையான லிப்கோ தமிழ்ப் பேரகராதியில் உள்ள தமிழ்ச் சொற்களை இந்த நவீனக் கருவியில் நீங்கள் தமிழிலேயே தேடலாம். இந்தச் செயலியின் உதவிப்பக்கத்தில் வழங்கப்பட்டுள சில விளக்கங்களை இணைப்பில் உள்ள படம் காண்பிக்கின்றது.
மேலும் இது தமிழ்-தமிழ்-ஆங்கில அகராதி என்பதால், ஆங்கிலச் சொற்களுக்கு நிகரானத் தமிழ்ச் சொற்களைத் தேடுவது கடினம். என்றாலும், ஆங்கிலச் சொற்களைத் தேடும் போது, அந்தச் சொற்கள் தோன்றும் விளக்கங்களைக் கொண்ட தமிழ்ச் சொற்கள் பட்டியலிலப்படும்.
இந்தச் செயலி இன்று ஆப்பிள் நிறுவனத்தின் ‘செயலிக்கூடத்தில்’ (App Store) பதிப்பிக்கப்பட்டுள்ளது. செல்லினத்தைப் போன்று இது இலவசப் பதிவிறக்கம் அன்று. சிறிய கட்டணம் உண்டு. US$4.99 மட்டுமே!
அரிய தொழில்நுட்பங்களை தொடர்ந்து நாங்கள் வழங்கிவருவதற்கு இந்தச் சிறிய தொகை உழைப்பிற்கான ஊதியத்தையும் உற்சாகத்தையும் வழங்கும் என்பது எங்கள் நம்பிக்கை.
மேலும் படங்களையும் விவரங்களையும் இந்த முகவரியில் காணலாம்
http://itunes.apple.com/app/lifco-sellinam-tamil-dictionary/id391740615?mt=8
Friday, September 17, 2010
இணைய சுவடிக் காட்சியகம்
வேண்டும் சுவடியைத் தேடிப் பெறும் வசதியும், ஒவ்வொரு சுவடியையும் தனியாகப் பெரிதாக்கிப் பார்க்கும் வசதியும் தரப்பட்டிருக்கிறது. ஒவ்வொரு சுவடியிலும் இடம்பெறும் பாடல் அடிகளையும் உரை வரிகளையும் அச்சு வடிவில் உடன்தரும் முயற்சியும் மேற்கொள்ளப்பட்டுள்ளது.
http://www.tamilvu.org/library/suvadi/s012/html/s0120473.htm
Friday, September 3, 2010
லேனா தமிழ்வாணன் வருகை
தமிழ்க் கணினி நூல்கள் மற்றும் சிடி-க்களை பிரத்யேகமாக சாஃப்ட்வியூ நிறுவனம் விற்பனை செய்து வருகிறது. இந்நிறுவன தொகுப்புகளை எழுத்தாளர்
லேனா தமிழ்வாணன் பார்வையிட்டார்
Tuesday, August 17, 2010
செம்மொழி மாநாட்டு தபால் தலை
கோவை செம்மொழி மாநாட்டின் நினைவாக தபால் தலையும், தபால் உறையும், வெளியிடப்பட்டது. நண்பர்களுக்காக அதன் மாதிரியை என் வலைப்பூவில் பிரசுரிக்கிறேன்.
கோவை செம்மொழி மாநாட்டில் இந்த தபால் தலை அமோக விற்பனையானது.
Wednesday, August 11, 2010
பாட்டிலே பாரதி : EBook
இன்றைய புதிய சேர்க்கையை வாசிக்க நமது வலைப்பக்கத்தின் மின்னூல்கள் பகுதிக்குச் சென்று அங்குள்ள பட்டியலில் இறுதிச் சேர்க்கையைத் தேர்ந்தெடுக்கவும். அல்லது நேரடியாக இப்பக்கத்திற்குச் செல்ல http://ebooks.tamilheritage.org.
Monday, August 2, 2010
Monday, July 26, 2010
உ.வே.சா நூலக இணையம்
தமிழ்த் தாத்தா என்று தமிழ்க் குழந்தைகளால் அன்புடன் போற்றப் பெறும் உ.வே. சாமிநாத ஐயர் 1855-ஆம் ஆண்டு பிப்ரவரி மாதம் 19-ஆம் தேதி தோன்றினார்கள். அவர்கள் தோன்றிய காலத்தில் இருந்த தமிழின் நிலைக்கும் அவர்கள் மறைந்த காலத்தில் (ஏப்ரல், 1942) தமிழ் உயர்ந்து நின்ற நிலைக்கும் எவ்வளவோ வேற்றுமை உண்டு. அவர்கள் 1887-ஆம் ஆண்டில் சீவகசிந்தாமணியை அச்சிட்டு வெளியிட்டார்கள். அது முதல் இறுதிக் காலம்வரையில் தமிழ்த் தாயின் அணிகளை ஒவ்வொன்றாகப் புதுப்பிக்கும் அற்புதமான தொண்டில் தம் காலம் முழுவதையும் அவர்கள் செலவிட்டார்.அவருடைய படைப்புகள் அனைத்தும் சென்னை பெசன்ட்நகரில் உள்ள நூலகத்தில் தொகுக்கப்பட்டுள்ளது. உ.வே.சா தகவல் பெற இணையம் http://www.uvesalibrary.org
Friday, July 23, 2010
தமிழ் வளர்ச்சிக்கழக இணையம்
http://www.tamilvk.com/
சாஃப்ட்வியூ ஊடகக்கல்லூரி
சாஃப்ட்வியூ ஊடகக்கல்லூரி கடந்த 20 வருடங்களாக சென்னை நெல்சன் மாணிக்கம் சாலையில் இயங்கி வருகிறது. தமிழ் சார்ந்த படிப்புகளும், படித்தவுடன் வேலைவாய்ப்பு அளிப்பதே இந்நிறுவனத்தின் முக்கிய சக்தி என கூறலாம். விசுவல் கம்யூனிகேஷன், இதழியல், தொலைக்காட்சி தயாரிப்பு, அனிமேஷன், கிராபிக்ஸ், போட்டோகிராஃபி மற்றும் வீடியோகிராஃபி பயிற்சிகள் சாஃப்ட்வியூவில் நடத்தப்படுகிறது.
சாஃப்ட்வியூ பயிற்சிகள்
http://www.softview.in/training/default.asp
சாஃப்ட்வியூ குறித்த வீடியோ காட்சியை பார்ப்போமா?
http://www.youtube.com/watch?v=eq916Mjh2j8
சாஃப்ட்வியூ முகவரி
Softview Media College
117, Nelson Manickam Road,
Chennai - 600029
Tamilnadu, India.
Ph: 23743066/ 23741053
Email : softviewindia@gmail.com
url: http://www.softview.in
தமிழ் மரபு அறக்கட்டளை
1. இணையப் பதிவு (web publishing) என்பது முன்னெப்போதுமில்லாத அளவு எளிமையாகியுள்ளது,
2. வலைப்பூவில் உரையாட முடிகிறது (பின்னூட்டம் மூலமும் நேரடி real time conversation மூலமும்),
3. வலைப்பூ இணையத்தின் பல்லூடகத் திறனை முழுமையாகப் பயன்படுத்துகிறது (multimedia capability),
4. மின் மடல் செய்வதை விடவும் கூடுதல் அனுகூலங்களை வலைப்பூ அளிக்கிறது (உதாரணமாக, embed செய்து ஒளிக்காட்சியை ஓட்டமுடிகிறது).
5. மேலும் சேகரம் செய்யும் திட்டங்களுக்கு (digital archiving schemes) ஏற்ற வகையில் கிட்டங்கியை (database) சுலபமாகத் தேடமுடிகிறது.
6. மடலாடற்குழுவின் சௌகர்யங்களுடன், வலைப் பக்க அனுகூலங்களையும் கூட்டிச் செயல்படுவது வலைப்பூ.
இவைகளை மனத்தில் கொண்டு கீழ்க்காணும் நான்கு வலைப்பூக்கள் உருவாக்கப் பட்டுள்ளன. அவற்றைச் சொல்லும் போது அதில் எப்படி எளிதாகப் பங்கேற்கலாம் என்றும் விளக்குகிறேன்:
I. மரபுச் சேதி: (Heritage News)
தமிழ் மரபு அறக்கட்டளையின் வெளியீடுகள் மற்றும் தமிழ்க் கலாச்சாரம் பற்றிய தகவல்கள் இங்கு வெளிவரும். இதைத் திறமையாக செயல்படுத்த ஆர்வமுள்ள தமிழர்கள் சேதிக் குறிப்புகளை அனுப்புவதுடன், அவை இணையத்தில் எங்கேனும் வெளியாகியிருந்தால் அதன் தொடுப்பைக் (web link) கொடுத்து உதவலாம். ஒரு செய்திப் பத்திரிக்கை போல் இதை நடத்தும் உத்தேசமில்லை. அதற்கான ஆள்/பொருளாதார பலமில்லை. ஆயினும் ஆர்வமுள்ளவர்கள் அறிந்து கொள்ளும் அளவிளேனும் செய்திகளைத் தரமுடியும். தொடுப்பு பற்றிய மூலாதாரத் தகவலுடன், தொடுப்பு கொடுத்தவருக்கும் நன்றி அறிவிக்கப்படும். (இதனாலேயே என்னை ஒரு 'மரபு அணில்' என்று சொல்லிக் கொள்கிறேன். சேது பந்தனம் செய்த போது அணிலும் பங்கேற்றது. அதன் பங்கேற்பு சிறிதாயினும், பங்களித்துள்ளது என்பது காலத்தில் பதிவாகியுள்ளது!).
II. மரபின் குரல்: Heritage Tunes
முதுசொம் இசையரங்கம் என்றொரு வலைப்பக்கம் இயங்கி வருகிறது. அதை இன்னும் ஊடாட (interactive) வைக்கும் நோக்கமே இவ்வலைப்பதிவு.
1. உங்கள் வட்டார வழக்கு, பேச்சு இவைகளை இத்தளத்தில் நேரடியாகப் பதிவு செய்யலாம். VoiceSnap குழுவுடன் இணைந்து இதைச் செய்துள்ளோம்.
2. மழலைப் பாடல்களை பெரியோரோ, சிறுவர்களோ பாடிப் பதிவு செய்யலாம்,
3. இசைத் துக்கடா (music sample) வை இங்கு அனுப்பலாம்,
4. இலக்கிய உரைகளை அனுப்பலாம்,
5. உங்கள் கவிதை, உங்கள் கதை, உங்கள் நாவல் இவைகளை உங்கள் குரலில் 'காலத்தின் பதிவாக' இங்கு நிரந்தரப்படுத்தலாம்.
6. தமிழின் அமுதம் போன்ற இசை இங்கு பிரவாகம் எடுக்கும் படி செய்யலாம். தமிழ் இசை என்பது பரந்த நோக்கில் 'திராவிட இசை' என்றே இங்கு பதிவாகிறது. எனவே தெலுங்கு, கன்னட, மலையாள, தமிழ் இசைப் பாரம்பரியம் இங்கு பதிவாகிறது. தமிழுக்கு முக்கியத்துவம் கொடுக்கப்படும்.
7. தமிழ் கிராமப்புற இசை பற்றிய பதிவுகள் அரிதாகவே உள்ளன. அவைகளை இங்கு சேகரம் செய்யலாம்.
III. மரபுச் சுவடு: Image Heritage
படங்கள்! ஆகா! அவை சொல்லும் சேதிகள்தான் எத்தனை. அது கல்யாணக் காட்சியாக இருக்கலாம், குழந்தை பிறப்பாக இருக்கலாம், ஊர் தேர் திருவிழாவாக இருக்கலாம். பழைய படங்கள். தமிழக வீடுகள், தமிழக தெரு அமைப்பு, தமிழகக் கோயில்கள், சிற்பங்கள்...அம்மம்மா! எத்தனை உள்ளன. அப்புகைப்படங்களை இங்கு தொடுப்பது நோக்கம். வேறொரு தளத்தில் அது இருந்தால், ஒரு தொடுப்பின் மூலம் அவைகளைக் கோர்த்துவிட முடியும். மிக, மிக எளிய வழியில் நம் சுவடுகளை இங்கு பதிக்கலாம். புற உலகில் (வெளிநாட்டில்) தமிழ்க் கல்வி பயில்பவர்களுக்கு இம்மாதிரிப் புகைப்படங்கள் ஒரு பொக்கிஷம். ஒவ்வொரு தம்ழ் இணைய மாநாட்டிலும் இதன் தேவை வலியுறுத்தப்படுகிறது.
IV. தமிழ் நிகழ் கலை: Waiting Room (video show)
ஒட்டவைக்கும் (embed) திறன் கொண்டு YouTube, GoogleVideo மற்றும் பிற கிட்டங்களில் கிடக்கும் தமிழ் நிகழ் பற்றிய ஆவணங்களை மிக எளிதாக இங்கு சேர்த்துவிடலாம். இங்கு அனுப்புங்கள் என்றால் யாரும் அனுப்ப மாட்டார்கள். ஆனால் கூகுளுக்கு அனுப்புவார்கள். எல்லோருக்குமே மேடையில் ஒளிவட்டத்தில் இருக்கவே ஆசை. இதில் தவறில்லை. அவர்கள் கோபுரத்தில் இருந்தால் எல்லோரும் பார்ப்பது எளிதே. அதைத்தான் இவ்வலைப்பூ செய்யப்போகிறது. அனுப்புவருக்கும் சிரமமில்லை. அவர்கள் பார்த்து, ரசித்த ஒரு வீடியோ கிளிப்பை எமக்கு 'html tag' ஆக அனுப்பினால் போதும். இந்த ஒட்டவைக்கும் திறன் கொண்டு நம் வீட்டு வீடியோ (புழக்கடை சினிமா - Garage Cinema) வையும் இங்கு வெளியிடலாம். ஒவ்வொருமுறை ஊருக்குப் போகும் போதும் வீடியோ எடுக்கிறோம், படமெடுக்கிறோம், சிலர் பாட்டுக்களை ரெகார்டு செய்வதுமுண்டு. அவைகளை இங்கு பகிர்ந்து கொள்ளலாம். இது professional-ஆக இருக்க வேண்டுமென்ற அவசியமில்லை. எவ்வளவு சின்ன சேதியாக இருந்தாலும் வெளிநாட்டில் வாழும் மாணவர்களுக்கும் பிறருக்கும் அது ஏதோவொருவகையில் பயன்படும்.
முன்னெப்போதுமில்லாத அளவில் தனிமனிதப் பதிவு என்பது உச்சத்தில் இருக்கிறது. இணையம் என்ற தொழில் நுட்பம் இதைச் சாத்தியப்படுதியுள்ளது. அதைப் பயன்படுத்தி தமிழ மரபுச் சுவடுகளை என்றும் நிலைத்திருக்கும் வண்ணம் மின்னுலகில் பதிவு செய்து வைக்கலாமே?
உங்களிடம் அதிகமாக ஒன்றும் கேட்கவில்லை. ஒரு மின்னஞ்சல். அவ்வளவுதான். அம்மின்னஞ்சலில் மேற்சொன்ன அத்தனை விஷயங்களையும் அனுப்பிவிடலாம்.
http://www.tamilheritage.org
சென்னையில் தமிழ்க்கணினி நூல்கள், சிடிக்களுக்கு பிரத்யேக ஷோரூம்
தமிழில் வெளியாகும் தமிழ்க்கணினி நூல்கள் மற்றும் மல்டிமீடியா சிடிக்களை உள்ளடக்கிய விற்பனையகம் தற்போது துவக்கப்பட்டுள்ளது. சென்னை நெல்சன் மாணிக்கம் சாலையிலுள்ள (118) சாஃப்ட்வியூ நிறுவனம், தமிழ்க்கணினி நூல்கள், தமிழ் மென்பொருள் தயாரிப்பு, சிடி, டிவிடிக்கள் தயாரிப்பில் ஈடுபட்டு வருகிறது. தற்போது இந்நிறுவனம் தமிழ்க்கணினி நூல்கள் மற்றும் தமிழ் சிடிக்கள் உள்ளடக்கிய பிரத்யேக ஷோரூமை துவங்கி, பிற பதிப்பக தமிழ்க்கணினி நூல்களையும் விற்பனை செய்கிறது. தமிழ்க்கணினி சார்ந்த பொருட்கள் இனி நமக்கு தேவையெனில் வேறெங்கும் சென்று அலையவேண்டிய அவசியமில்லை. தமிழ்க்கணினி சார்ந்த அனைத்து நூல்களையும், சிடிக்களையும் சாஃப்ட்வியூவிலேயே பெற்றுக் கொள்ளலாம். தொலைபேசி: 044-23741053, 9840738676
http://www.softview.in/publications.asp
Tamil Internet Conference Book
Thursday, July 22, 2010
கணினி கலைச்சொற்கள்
தொடக்கப் பள்ளிக்கு தேவையான தமிழ்க் கணினி தேவைகள்
தொடக்கப் பள்ளிக்கு தேவையான தமிழ்க் கணினி தேவைகள்
கணினியையும் பள்ளி மாணவனையும் பிரிக்க முடியாத சூழல் ஏற்பட்டுள்ளது. பாடத்திட்டத்திலோ அல்லது பிரத்யேகமாகவோ அல்லது கூடுதல் சிறப்பு பாடமாகவோ கணினி படிப்பு வளர்ச்சி பெற்றுள்ளது. அயல்நாடுகளில் கணினியைக்கொண்டே அனைத்து பாடங்களையும் கற்க வேண்டிய சூழல்உள்ளது. இவை மொழி சார்ந்த பாடங்களுக்கும் பொருந்தும். ஆனால் தமிழகத்தில் ஆசிரியர்களும், பள்ளி மாணவர்களும் பெரும்பாலும் கணினியை இயந்திரமாகவே கருதுகின்றனர். இந்நிலை மாறி ஆசிரியர்களும், பள்ளி மாணவர்களும் தமிழ்மொழி வளர்ச்சிக்கான கருவியாக கணினியை கருதவேண்டும். மேலும் பள்ளி மாணவர்களுக்கு தமிழ்க்கணினி ஆற்றல் அவசியம் தேவை என்ற சூழல் ஏற்பட்டுள்ளது. மாணவனை தயார் செய்யும் ஆசிரியர் மற்றும் கல்வி மையமும் தகவல் தொழில்நுட்பத்தில் தமிழ்க்கணினி அறிவு பெற்றிருந்தாலே மேலோங்கி இருக்க முடியும்.
விண்டோஸ் இயங்குதளம், எழுத்துரு, எழுத்துரு வகைகள், எழுத்துருக்களை பொறுத்தும் முறை, எழுத்துக்கள் உள்ளீட்டு முறை, எழுத்துக்கள் உள்ளீட்டு வகைகள், அதன் சிக்கல்கள் மற்றும் குறைபாடுகள் எழுத்துரு வாரியாக நாம் அறிந்திருக்க வேண்டும். தமிழ் உள்ளீட்டு விசைமுறைகளாகிய தமிழ் 99, தமிழ் தட்டச்சு, தமிழ் ஒலியியல், தமிழ் பொனடிக் மற்றும் பிற விசை முறைகளை நாம் கற்றிருந்தலே விரைந்து பாடத்திட்ட பணிகளை கையாள முடியும். ஆசிரியர்கள் தொடக்கப்பள்ளி அளவிலேயே மாணவர்களுக்கு இவற்றை கற்றுக் கொடுத்தல் அவசியமாகும். மாணவர்களும் சுயமாக இது சார்ந்த பணிகளை தன்னந்தனியாக செய்ய துணிவுள்ளதா என ஆய்வுசெய்ய வேண்டும். இந்த தொழில்நுட்ப சார்ந்த வளர்ச்சிப்பணிகளையும் உடனுக்குடன் மேம்படுத்தி தன்னை வளர்த்துக்கொள்ளவேண்டும். பெரும்பாலான இடங்களில் தமிழ்சார் வன்பொருள் மற்றும் மென்பொருளை வாங்குவதற்கே தயக்கம் உள்ளது. அடிப்படை கட்டுமானமாக மாணவர்கள், ஆசிரியர்கள் மற்றும் கல்வி மையம் எவ்வாறெல்லாம் மேம்பட்டுடன் இருக்க வேண்டுமென சிந்திக்கவேண்டும். தமிழில் விசைப்பலகைகள், சொற்செயலிகள் மற்றும் பல்வேறு மென்பொருட்கள் இருந்தாலும் வாங்கிப்பயன்படுத்துவதற்கு வெட்கமும், தயக்கமும் ஒரு காரணமாக உள்ளது. சுயமாக இவற்றை நாம் தவிர்த்து ஒவ்வொரு கல்வி மையமும் தமிழ் விசைப்பலகைகள், சொற்செயலிகள் மற்றும் பல்வேறு மென்பொருட்களை
பயன்படுத்த முன்வரவேண்டும். இவற்றின் மூலமாக நாம் கற்றல் தமிழ்க்கணினி பயன்பாட்டை சுலபமாக நாம் அறியமுடியும். நம் தமிழும் அறிவியல் மொழி தானே?
விக்கிபீடியாவின் பின்னணியாய் அமையும் கோட்பாடுகள், விக்கிபீடியாவின் வரலாறு, விக்கிபீடியா சமூகம் தொடர்பான அறிமுகம், கட்டற்ற திறந்த மூல இயக்கம், திறந்த புலமைச்சொத்து தொடர்பான அறிமுக விளக்கங்களும் அக்கோட்பாடுகள் விக்கிபீடியாவை எவ்வாறு உருவாக்க விழைந்தன. விக்கிபீடியா ஊடாக வெற்றியை நிரூபித்தன என்பனபோன்ற தகவல்கள் சிறுவயதிலேயே மாணவர்களுக்கு தெரியவேண்டும். அவ்வாறு போதிக்கப்பட்டால் தான் வருங்காலத்தில் தானும் விக்கிப்பீடியாவில் தமிழ்ப்பணியாற்ற ஆர்வம் பெருகும். தமிழ் வளர்க்கும் தமிழ் இணைய பல்கலைக்கழகம், அதன் தொகுப்புகள் மற்றும் டிஜிட்டல் டிலைப்ரரி ஆகியன இளம்வயதிலேயே மாணவர்கள் பயன்பெரும் வகையில் போதிக்கவேண்டும். தமிழ் இணைய ஆற்றல், மின்னஞ்சல் பயன்பாடு, தேடுப்பொறி பயன்பாடுகள், அனிமேஷன் வாயிலாக தமிழ்க்கணினி தயாரிப்பு, இணைய வாயிலான தேர்வு, தமிழ் மென்பொருட்கள் அறிவை வளர்த்தல் ஆகியவற்றை படிப்படியாக நாம் வளர்க்க வேண்டும்.
ஒரு மருத்துவரின் குறிப்பும், மருந்தும் பிறருக்கு புரியாததன் தன் காரணம் அவற்றிற்கான தமிழ் சொற்கள் இல்லாமையே ஆகும். தகவல் தொழில்நுட்பத்தை பொறுத்தவரை ஆயிரக்கணக்கில் தமிழ்மொழி சொற்கள் புழக்கத்தில் உள்ளது. குறிப்பிட்ட வட்டத்திற்குள்ளேயே புழக்கத்திலுள்ள இச்சொற்கள் வெளிக்கொண்டு வரவேண்டும். பள்ளிப் பருவத்திலேயே மாணவர்களுக்கு கலைச் சொற்களை பொருள்பட போதித்தால் நம் தமிழ்மொழி, மேலும் வளர்ச்சி பெறும். தொடக்கப்பள்ளி அளவிலேயே படத்துடன், பொருள்பட கணினி பயன்பாட்டை மாணவர்களுக்கு விளக்கி கற்பித்தால், மாணவ பருவத்திலேயே தமிழ் சொற்கள் ஆழமாக குழந்தைகள் மனதில் பதியும்.
ஆசிரியர்களும், பள்ளி மாணவர்களும் 2டி அனிமேஷன் அறிவை ஆழமாக பெறுதல் வேண்டும். 2டி அனிமேஷன் அறிவை தமிழுக்கு ஏற்றபடி பயன்படுத்துதல் வேண்டும். 2டி அனிமேஷன் அறிவை தமிழ் கற்பிக்கும் கருவி தயாரிக்கும் பணிக்கு ஏற்றபடி பயன்படுத்துதல் வேண்டும். 2டி அனிமேஷனில் கோரல்ட்ரா, போட்டோஷாப், பிளாஷ், டைரக்டர் ஆகிய மென்பொருட்களை கற்றிருத்தல் வேண்டும். இருபரிமாண உருவங்களை தயாரித்து தமிழ் கற்பித்தலுக்கு பயன்படுத்துதல் வேண்டும். தமிழ் உச்சரிப்புக்கும், பேச்சு தமிழுக்கும் கணினி மென்பொருட்களையும் அதன் கருவிகளையும் பயன்படுத்துதல் வேண்டும். 2டி அனிமேஷன் மூலம் பாடங்கள் தயாரிக்கும் அறிவை பெற்று வட்டாரச்சொற்களை வளர்க்கலாம். உதாரணத்திற்கு வீட்டை பெருக்கும் துடைப்பம் தமிழகத்தின் பல பகுதிகளில் வெவ்வேறு சொற்களாக அழைக்கப்படுகிறது. வாரியல், விளக்குமாறு, பெருக்குமாறு, தொடப்பம், வாருகோல் என பல வட்டாரச்சொற்களை நம் வசிக்கும் வட்டாரத்திற்கேற்ப பயன்படுத்தி மாணவர்களுக்கு பாடங்களை எளிமையாக்கலாம்.
தொடக்கப்பள்ளி மாணவர்கள் இங்கு குறிப்பிட்ட அனைத்து ஆற்றலையும் பெறமுடியுமா? சிறுபருவத்தில் அனைத்து சிறார்களும் தமிழ்க்கணினி அறிவை பெறமுடியும். தமிழ்க்கணினி அறிவை சிறுபருவத்தில் பெற்றால் தான் இளமைப்பருவத்தில் தமிழ்க்கணினி தயாரிப்பை பல கோணங்களில் நாட்டுக்காக படைக்கமுடியும். அயலக மென்பொருட்களுக்கு இணையாக, நாம் வடிவமைக்கும் முறை, கற்பிக்கும் முறை, இதன் பலன்கள் ஆகியன நம் தமிழ் வளர்ச்சி மற்றும் மேம்பாட்டிற்கு பாமரருக்கும் உறுதுணையாக இருக்கும்.