ஈரோட்டில் புத்தகக்கண்காட்சி

ஈரோட்டில் புத்தகக்கண்காட்சி ஜூலை 29 ஆம் தேதி முதல் ஆகஸ்ட் 9 ஆம் தேதி வரை ஈரோடு வ.உ.சி பூங்காவில் நடைபெறுகிறது. தினமும் கண்காட்சி காலை பதினோரு மணியிலிருந்து இரவு ஒன்பது மணி வரை கண்காட்சி நடைபெறும் கொங்குமண்டலத்தில் புத்தக வாசிப்பு பழக்கத்தையும், புத்தகச்சந்தையையும் ஈரோடு புத்தகக்ககாட்சி உருவாக்கியுள்ளது.

ஈரோட்டில் நடைபெறும் மாபெரும் திருவிழாவாகவும், விருந்தினர்கள் பெருவாரியாக திரளும் சக்தியாக இப்புத்தகக்கண்காட்சி உருவாகியுள்ளது. இப்புத்தகக்காட்சியை பொறுப்பேற்று நடத்தி வருபவர் அண்ணன் ஸ்டாலின் குணசேகரன் ஆவார். இவர் ஈரோடு மக்கள் சிந்தனை என்ற அமைப்பை நடத்தி வரும் கம்யூனிசிய மற்றும் சமூகநலவாதி ஆவார். இவருடைய 'விடுலை வேள்வியில் தமிழகம்' (பாகம் 1 & 2 ) மிகவும் புகழ்பெற்றதாகும். தமிழகத்திலிருந்து இந்திய சுதந்திரப் போரில் பங்கு கொண்ட மக்களின் வாழ்க்கை வரலாற்றை சேகரித்து தொகுக்கப்பட்ட நூல். தென்னிந்தியப் புரட்சி முதல் சிறைச்சாலைக் கொடுமைகள் வரை 100 கட்டுரைகள் இந்நூலில் எழுதி ஸ்டாலின்குணசேகரன் தலைநிமிர்ந்துள்ளார்.

ஈரோடு புத்தகக்கண்காட்சியில் என்னுடைய பதிப்பக கடை எண்: 154 , என்னுடைய சாஃப்ட்வியூ நிறுவன பிரதிநிதி சாமிக்கண்ணன் கடையில் இருப்பார். (9840078699) அனைவரும் வருக.

தமிழும் கணிப்பொறியும் : 4ஆம் பதிப்பு

தமிழும் கணிப்பொறியும் : தமிழக அரசின் சிறந்த நூல் விருதினை பெற்ற பெருமைக்குரிய தகவல் தொழிற்நுட்ப புத்தகமாகும். மா.ஆண்டோ பீட்டர் எழுதி, சாஃப்ட்வியூ பதிப்பகம் இந்நூலின் நான்காம் பதிப்பை வெளியிட்டுள்ளது. இந்நூலின் வாழ்த்துரை கடந்த அதிமுக அரசில் சபாநாயகராக இருந்த டாக்டர்.காளிமுத்து எழுதியுள்ளார்கள்.

ஓலைச்சுவடி முதல் அச்சு வரை தமிழ் நிலை, கம்ப்யூட்டரில் தமிழ் எப்படி, தமிழ்மின்னணு மற்றும் மென்பொருட்களின் சாதனைகள், மாநாடுகள், கருத்தரங்குகள் ஆகிய அத்தியாயங்கள் தமிழ்க்கணினி வரலாறுகளை இந்நூல் எடுத்துரைக்கிறது. தமிழ் எழுத்துக்களை வடிவமைப்பது எப்படி, தமிழ் எழுத்துருக்கள் பொருத்தும் முறைகள், தமிழ் எழுத்துரு வடிவமைப்பதில் சிக்கல்கள், யுனிகோட் ஆகிய பாடங்கள் கம்ப்யூட்டரில் ஃபாண்ட்ஸ் அடிப்படைகள் மற்றும் பயன்படும் விதத்தை விளக்குகிறது. முக்கிய தமிழ் இணையங்கள், தமிழ் இணையங்கள் அமைப்பதற்காக வழிமுறைகள் ஆகிய பாடங்கள் தமிழ் இணையங்களின் சிறப்புகளை எடுத்துக் கூறியுள்ளன. முக்கியமான தகவல் தொழிற்நுட்ப கலைச்சொற்களின் பட்டியலும் இந்நூலை அலங்கரித்துள்ளது.

தமிழ் இணையப்பட்டியல்கள், தமிழ் தகவல் தொழிற்நுட்ப அறிஞர்கள் மற்றும் நிறுவனங்களின் முகவரிகளும் தொகுத்தளித்திருப்பது அனைவருக்கும் பயன்படும் படியாகவுள்ளது. கம்ப்யூட்டரில் தமிழ், பயன்பாடு, அதை இயக்கும் விதம் மற்றும் அது இயங்கும் விதம் ஆகியவற்றை தெள்ளத் தெளிவாக ஆழமாக இந்நூல் மூலமாக நாம் அறிந்து கொள்ளலாம்.


நூலின் பெயர் : தமிழும் கணிப்பொறியும்
ஆசிரியர் பெயர் : மா. ஆண்டோ பீட்டர்
மொத்த பக்கங்கள் : 160
விலை : ரூ. 90/=
கிடைக்குமிடம் : சாஃப்ட்வியூ, 118, நெல்சன் மாணிக்கம் சாலை, சென்னை-600 029. தொலைபேசி: 044-23741053, 9840738676

ஈழம்: ராணி, மகாராணி

ஹிலாரி கிளிண்டன் தமிழக முதல்வரை நேரில் கண்டது பெருமைக்குரிய விசயமாகும். தமிழக முதல்வர் ஹிலாரி கிளிண்டனிடம் ஈழப்பிரச்னையை வலியுறுத்தியுள்ளது அதைவிட மகிழ்ச்சிக்குரிய விசயமாகும்.

”இலங்கையில் போர் முடிந்து இரண்டு வருடம் ஆகியும் மக்கள் வசதியற்ற முகாம்களில் அடைத்து வைக்கப்பட்டு உள்ளனர். அவர்களது சொந்த இருப்பிடங்களுக்கு அனுப்பி வைக்க வேண்டும் என்று இலங்கை அரசை அமெரிக்க அரசு வற்புறுத்த வேண்டும்” என்று ஹிலாரி கிளிண்டனிடம் கேட்டுக்கொண்டுள்ளார் தமிழக முதல்வர்.

”இலங்கையில் நிரந்தர அமைதி நிலவ அமெரிக்க அரசு பல வழிகளில் நடவடிக்கை எடுத்து வருகிறது” என்று ஹிலாரி கிளிண்டன் கூறியுள்ளார். நியூஜெர்சி மகாண சட்டசபையும் இவர்களுடைய சந்திப்புக்கு நன்றி தீர்மானம் நிறைவேற்றியுள்ளது.

”முகாமில் உள்ள தமிழர்களை விரைவில் சொந்த இடங்களுக்கு அனுப்ப வேண்டும், இலங்கை கடலோர காவல் படையினர் ராமேஸ்வர மீனவர்களை சுட்டு தள்ளும் கொடுமையினை நிறுத்த வேண்டும்” என்றும் இலங்கை தூதர் பிரசாத்கரியவாசத்திடம் வலியுறுத்தி உள்ளார் முதல்வர்.

இலங்கையில் ”தமிழீழம்” அமைந்தால் தமிழ் மக்கள் உங்களுக்கு என்றும் நன்றி உணர்வுடன் இருப்பார்கள். தமிழக முதல்வர் ஜெயலலிதாவை என்றென்றும் மறக்க மாட்டார்கள் தமிழீழ மக்கள்...அவர்கள் மனதில் என்றென்றும் ராணியாக, மகாராணியாக இருக்கலாம்.